Giatake ang Tadeco sa gobernor sa Davao del Norte niadtong Sept 26, 2019. Dala ang mga himan (boom truck, buckhoe, grader, ug uban pa) nga pangbungkag ug dagkong istruktura inubanan ug bombero para pagbungkag sa mga malinawong tawo nga nagtapok para sa ilang panginabuhi, taas-noo siya nga nagdahom sa paglampos sa himoong pagpangbungkag.
Iyang tumong : bungkagon ang mga butang nga gilungotlungotan sa mga taong naglagot sa Tadeco.
Tatak#1:
Giasoy ni Gob nga gihatagan niya ang Tadeco ug one month notice, unya dismantolon na ang mga istruktura nga naa sa dalan sa sagingan nga giangkon as public roads.
Giasoy ni Gob nga gihatagan niya ang Tadeco ug one month notice, unya dismantolon na ang mga istruktura nga naa sa dalan sa sagingan nga giangkon as public roads.
Ang tinuod niini, dunay sulat nga gihatag sa Tadeco kabahin sa pagguba dated Sept 16 nga nadawat sa Tadeco ug Sept 20, usa ka bulan na ba kini?
Ug usa ka sulat nga ipostpone ang aktibidad ngadto sa Oct 7, nga gihatag ngadto sa Bucor nga wa gani kadawat sa unang sulat (nga giaddress ngadto sa Tadeco)
Tatak #2:
Memo Circular 2019-121 naga-awhag sa pagtanggal sa mga obstruction sa pampublikong karsada ug pag-atiman sa mga hingtungdan
Memo Circular 2019-121 naga-awhag sa pagtanggal sa mga obstruction sa pampublikong karsada ug pag-atiman sa mga hingtungdan
Ang mga tinuod nga panghitabo:
Ang mga karsada sulod sa public land (Bucor) nga nahimong tipik sa sabot tali sa gobyerno ug pribado nga indibidwal o kompanya, dili awtomatiko nagpasabot nga public road na kini, gawas lamang kon kini gidonate sa ahensya para sa maong purpose. Walay dokumento nga ingon niini ang naa sa probinsya ug gani, sa Bucor pud.
Sa pagplano sa provincial government sa pagguba sa mga istruktura, wala giapil ang Tadeco o Bucor. Ang action sa gobernor, iya-iya ra ug wala nagpakita ug demokrasya ingon man malinawon nga pagsulbad sa problema - arogante ra kaau. Siya unta ang manguna sa pagmugna ug malinawong patakaran inay maghimo ug laraw paingon sa kagubot nga makapabalaka.
Ang mga istruktura sa maong farm road nagsubay lang sa biosecurity protocol sa banana industry para dili mokalat ang Fusarium disease. Suma total, walay obstruction nga nagpugong sa tawo sa pagsulod, agi ug gawas, motamak lang unta sa footbath ug motuman sa maong pamaagi sa biosecurity.
Tatak #3:
Nagkanayon ang gobernor nga morespeto siya sa biosecurity protocol ug nga siya wala kuno pasudla sa gate (niadtong Sept 24, 2019)
Nagkanayon ang gobernor nga morespeto siya sa biosecurity protocol ug nga siya wala kuno pasudla sa gate (niadtong Sept 24, 2019)
Ang tinuod:
Wala siya, ug ang iyang mga kaubanan, manaog para motamak sa footbath mao nga wala usa abrihi sa gwardia ang swing beam. Minaug lang unta sila ug mitamak sa footbath isip pagsunod sa mga patakaran sa biosecurity protocols. Hinoon, gipangkasab-an niya ang mga gwardya nganong di man siya pasudlon isip gobernor. Ang mga gwardya nagpatuman lang man unta sa mga procedure. Doble-cara ang gobernor nga mosulti nga nagasuporta sa mga biosecurity protocols pero sukwahi ang ginabuhat!
Hmm:
Si Gob Jubahib ug kaubanan naglungotlungot nga gub-on ang Tadeco. Wa sya naghunahuna nga ang Tadeco nagrepresenta sa mga maayong pamaagi para makontrol ang pagkalat sa sakit. Ang paggamit niya sa Memo Circular 2019-121 para sa iyang malimbongong pagpangalagad kunohay sa katawhan nagpakita sa kademonyo sa iyang kasingkasing (though, basin peon lang pud cya sa hari nga sige lang ug kasuya sa Tadeco)
Sa iyang pagpangulo ug pagpanguna sa demolition squad, iyang gihimong sheriff iyang ang kaugalingon, para lang sa pagtan-aw nga Tadeco ang iyang gun-obon.
Pero kuwidaw, ang pagka-arogante mosumbalik gyod!
Imagine, wa niya angkona nga naghatag siyag sulat sa pagpostpone sa maong dautan nga aktibidad ngadto sa Oct 7, mismo gikan sa iyang baba. Unsa kaha ang iyang gibati ug sa iyang kauban sa dihang napakita ang maong sulat nga adunay marka sa probinsiya ug pirma niya? Unya nahimo na dayon nga maintenance lang ang pagahimoon ug dili demolition sa mga obstruction kuno.
Lakip na ang katinud-anan nga wa siya kabalo nga ang maong karsada, abri 24 oras (bisan pa kon farm road kini ug dili public), makapanlingo ang tarong nga tao kon maghunahuna. Gipasubay unta niya kini, dili lang magsalig sa mga taong istorya lang ang gisaligan.
Ang iyang survey kuno ug probokasyon nga wa siya motunob sa footbath para dili abrihan sa gwardya ang swing gate - nga base man unta kini sa order sa Department of Agriculture pinaagi sa Bureau of Plant Protection nga dapat magsetup ug tire dips ug foot bath para maprotektahan ang banana industry gikan sa pagkahitumpawak sa kadautan - makapanghinuklog kon unsa ka katag ang iyang mga ideya (ug sa iya pud sigurong master).
Pipila lang kini sa mga kamatuoran sa nanghitabo, sa likod man o atubangan, nga naglangkob sa drama niadtong adlawa. Duna pay laing mga nawong ug insidente nga madunggan ug maistorya.
Sa pagtuki sa nagalakaw nga panghitabo, makahunahuna ang usa ka linalang: mao ba kini ang gobernor nga moserbisyo sa mga kugihan, propesyonal ug magarbohon nga mga tawo sa Davao del Norte? Mao sigurong dili ikatingala nga kini nga propaganda ang iyang gihatagan ug pagtagad inay ang patay sa Tagum. Oops, basin gusto diay siya ug kagubot. Naa na man sa Tagum, sa Sto Tomas na pud... Pagka.. na lang!
Magpangutana ko. Subayon nato ang tinuod. Hunahunaon nato.
Comments
Post a Comment